సమస్యాపూరణములు - సెప్టెంబర్ 2012

“అమ్మ” కు గడువు ముగిసెగా
తమ్ముళ్ళూ! “నాన్న”న వలదు, తగనా కాన్వెం
టమ్మలిక నూరి పోసిరి
మమ్మీ డాడీలు తెలుఁగు మాటలె తాతా!
సందర్భం వచ్చింది కాబట్టి చెబుదామనిపించింది. అమెరికన్ ఇంగ్లీషు వాళ్ళు మమ్మీ-డాడీ అని అనరు. మామ్-డాడ్ (Mom-Dad) అని మాత్రమే అంటారు. బ్రిటిష్ ఇంగ్లీషులో మమ్మీ-డాడీ అని ఇన్ఫార్మల్ గా వాడతారేమో నాకు తెలియదు. నేనెప్పుడూ ఎవరూ మమ్మీ-డాడీ అని వాడటం చూడలేదు, మనదేశంలో తప్ప. ఇంగ్లీషు కూడా చాలా రూపాంతరాలు చెంది వేరు వేరు దేశాలలో వేరు వేరు యాసలతో (డయలెక్టు) వ్యాప్తం అయింది. అన్ని తెలుగు యాసలు ఒకటి కానట్టే అన్ని ఇంగ్లీషులూ ఒకటి కాదు.